Rusiye akimiyetiniñ Qırımda mülkiyet aqqı obyektleriniñ "milliyleştirüvi" ilhaq etilgen yarımadanıñ loyal olmağan sakinlerine basqı aletidir. Böyle fikirni "KrımSOS" aq qorçalayıcı teşkilâtınıñ advokat eksperti Artem Oliynık bildirdi.
"Mülkniñ milliyleştirüvi Rusiyege loyal olğan eali ve Rusiyeden köçip kelgenler içün maddiy faydalarnı temin etmege imkân bere, aynı zamanda Rusiye siyasetinen razı olmağan Qırım sakinlerine basqını quvetleştire. Böyle areketler Rusiyeniñ Qırımdaki "milliy büyüklik" leyhasını kerçekleştirmek içün yapqan siyasetiniñ bir qısmıdır, Rusiyeniñ içtimaiy-siyasiy problemlerini ise ukrayinler, qırımtatarlar ve diniy cemiyetlerniñ aqları sayesinde çezeler", — dep qayd ete Artem Oliynık.
Qırımnıñ işğal Mülkiyet ve topraq munasebetleri nazirligi haber etkenine köre, Qırımda 2024 senesi "milliyleştirilgen" mülkiyet cedveline 112 fizikiy ve uquqiy şahısqa ait 900-den ziyade obyekt kirsetildi.
"KrımSOS"ta, umumen Qırımnıñ Rusiye akimiyeti 2022-2024 seneleri 3,5 biñge yaqın mülkiyet obyektini "milliyleştirdi", dep esapladılar
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
