"Qırımnıñ sakinleriniñ havfsızlığını temin etmek içün bugünden başlap mobil internetniñ söndürilmesi mümkün", — dep bildirdiler rusiyeli müessisede.
Sebepler ve söndürüv cedveli belli degil. Rusiye müessisesinde, bütün internet-provayderler adiy rejimde hızmet etecek, dep qoştılar.
Qırımnıñ Rusiye yolbaşçısınıñ mesleatçısı Oleg Krüçkovnıñ aytqanına köre, mobil internetni tek gece degil de, er vaqıt söndüre bileler. Onıñ aytqanına köre, cep telefonı alâqası çalışacaq.
Qırım telegram kanalları bildire ki, söndürüvler yarımadağa uçucısız uçaqlarnıñ ücümleri ile bağlı. Daa evel tapılğan dronlarda yerli operatorlarnıñ SIM-kartları yerleştirilgen edi.
Muarririyet bu malümatnı tasdıqlap olamay.
Sentâbrniñ ortasında Qırımnıñ Qara deñiz rayonında gece mobil internet söndürilgen edi.
Bundan evel Qırımnıñ rusiyeli haber nazirligi qırımlılarnı yaqın vaqıtta mobil internetniñ işi toqtatıla bilecegi aqqında tenbiley edi.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
