Qırım MC-deki Ukraina prezidenti temsilciliginde, idare işğal etilgen Qırımda “mimarlıq abideleriniñ ve medeniy mirasnıñ yoq etilüv” vaqialarnı qayd etmege devam ete, dep haber etile.
“Açıq menbalardan temsilclik vaqtınca işğal etilgen Qırımda “Villa “Meçta” (Simeiz) mimarlıq abidesiniñ qanunsız hususiyleştirilüvi aqqında belli oldı. Bundan ğayrı, Rusiye Federatsıyasınıñ ticaret saasındaki yekâne malümat sistemasınıñ resmiy saytında, “Villa “Kseniya” mimarlıq abidesine zarar ketirip onı yoq ete bilgen yañıdan tamirlev ve qazalarğa qarşı qanunsız işlerniñ eda etilmesine 0175200000418000670 nomeralı satın aluv qayd etilgen edi”, – dep yazıla beyanatta.
İdarede qayd ettler ki, Rusiye tarafından Hersones Tavriyskiy qadimiy şeer abidesiniñ qullanuvına “halqara cemiyetiniñ diqqatını daimiy surette çekeler”.
“Şimdiki vaqıtta Rusiye memuriyeti tarafından Hersones-Tavriyskiy territoriyasınıñ qanunsız qullanuv meselesi kerginleşe. Meselâ, Rusiye vatandaşlar qanunsız atiqiyat qazmalar yapa ve dünya medeniy mirası obtektiniñ autentikligini bozğan Hersones territoriyasınıñ “abadan etilüvi” içün işğal memuriyetiniñ qanunsız areketleri”, – dep qayd eteler temsilcilikte.
Qayd etile ki, “medeniy mirasnıñ ve yerli cemiyetlerniñ kimliginiñ yoq etilüvi, Ukraian variyetiniñ statusınıñ deñiştirilüvi ya da yoq etilüvi arbiy cinayetler kibi hasiyetleştirile bile”.
Temsilcilikniñ malümatına köre, Bu vaqialar, QMC ve Aqyar şeeriniñ prokuraturasına alıp berilgen ve uyğun cinaiy davalarına qoşulğanlar.
2020 senesi mayıs ayında Ukraina nazirler kabineti “Milliy emiyetinde olğan medeniy miras obyektleriniñ Ukrainanıñ taşınmaz abideleriniñ Devlet siciline kirsetilüvi aqqında” (Qırım MC) ve “Milliy emiyetinde olğan medeniy miras obyektleriniñ Ukrainanıñ taşınmaz abideleriniñ Devlet siciline kirsetilüvi aqqında” (Aqyar) qarar aldı. Buña köre, Qırım yarımadasında yerleşken 175 milliy emiyetli medeniy miras obyekti sicilge kirsetilgen.
