Milât bayramınen bağlı tedbirler fevqulade vaziyetlersiz keçtu dep bildire Rusiye İçki İşler Nazirliginiñ Qırım bölügi.
“Milât bayramı arfesi ve gecesinde polis hadimleri, kütleviy qutlav ve ibadet etüv yerlerinde içtimaiy nizamnıñ bozulmasına yol bermedi ve adamlarnıñ yüksek havfsızlıq seviyesini temin etti”, - dep aytıla beyanatta.
Polis malümatına köre, bayram merasimleri Qırımnıñ 115 qasabasında keçti ve olarda 200 biñden çoq adam iştirak etti.
Amma İİN, qaç polis hadimi “içtimaiy nizamnı qoruğanını” bildirmedi. Haber etile ki, polislernen beraber, Rosgvardiya hadimleri, “narodnoye opolçeniye” ve “drujinnik”ler de iştirak etti.
Qırımda soñki yıllar devamında rusiyeli akimiyet, polislerge yardım etmek içün “halq drujinaları”nı (taqımlarnı) yaratmağa çağırta.
Yanvar 7-sinde Aqyarda Milâdiy haç yürüşi keçti, onda yerli sakinler ve şeerniñ rusiyeli akimiyet vekilleri iştirak etti.
