Qırımnıñ İçki rayonındaki Qaynaş (Krasnoflotskoye) köyünde mesken evde yanğın çıqtı. Rusiye kütleviy haber vastaları üç insan elâk olğanını bildire.
Qırımdaki Rusiye Fevqulâde vaziyetler hızmetiniñ malümatına köre, yanğın Sadovaya soqağında oldı. Onı söndürmek içün 16 insan ve 6 dane tehnika celp etildi, olardan Rusiye Fevqulâde vaziyetler nazirliginden 8 insan ve 3 dane tehnika.
«RİA Novosti» Rusiye haber agentliginiñ Qırımdaki Rusiye Fevqulâde vaziyetler nazirliginiñ idaresi bergen malümatqa esaslanıp bildirgenine köre, yanğın vaqtında üç insan elâk oldı.
Yanğın sebebi belli degil. Fevqulâde vaziyet yoq etildi, dep haber etile.
Keçken afta Qırımda 127 yanğın oldı.
