Qırımnıñ Rusiye akimiyeti ilân etilgen seferberlikten soñ memleketni terk etken Rusiye vatandaşlarınıñ aqlarını sıñırlaycaq qanunnıñ azırlanılmasında iştirak etmege azır olğanlarını bildirdiler. Bunı Qırımnıñ Parlamentiniñ işğal yolbaşçısı Vladimir Konstantinov "Krım24" televizion kanalınıñ yaynında haber etti.
O, memurlar "böyle bir çareniñ emiyeti aqqında defalarca aytqanlarını" bildirdi.
"Bugün memleketimiz zor deñişmeler devrini yaşay. Amma tamam şimdi bizim cemiyetimiz Rusiye vatandaşı olmağa lâyıq olmağan satqınlardan ve qorqaqlardan temizlene. Bizim vazifemiz olarnıñ Rusiyede para qazanmalarına, vatandaşlarımızğa berilgen nimetlerden faydalanmaq imkân bermemektir", - dedi o.
Sentâbrniñ 21-nde Rusiye prezidenti Vladimir Putin Ukrayinadaki cenkke «qısmiy» seferberlik ilân etti, biñlernen er adamı memleketten qaçtı. Rusiyeliler ketken memleketlerden biri Qazahistan oldı. Eñ çoq Ruste ile sıñırdaki regionlarğa barğanlar oldı: Ğarbiy-Qazahistan, Aktobe, Kostanay, Pavlodar, Şimaliy-Qazahistan, Şarqiy-Qazahistan, Atırau vilâyetleri, Astana ve Almatığa.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
