İşğal etilgen Qırımda ve Aqyarda keskin nefes virus yuqunçı (KNVY) ve gripp hastalarınıñ sayısı artqanını qayd eteler. Bu sebepten yarımadada mektep ve bala bağçalarını qısmen karantinge qapatalar.
Bu aqta Qırım ve Aqyardaki Rospotrebnadzor idaresiniñ matbuat hızmeti bildire.
«74 sınıf karantinge alınğan 48 mektepniñ oquv esnası qısmen toqtatıldı, 15 bala bağçasında 7 gruppa qapatıldı. Aqyarda 27 mektepniñ 61 sınıfı qapatıldı, mektepten evelki müessisede 5 gruppa qapatıldı», – dep aytıla haberde.
Müessise malümatına köre, fevralniñ 10-ndan 16-na qadar Qırımda 10613 insan keskin nefes virus yuqunçınen hastalandı.
«Qırğınlıq seviyesinden hastalarnıñ sayısı 40,5% yüksek», – dep qayd etti Rospotrebnadzor.
Aqyarda, müessise malümatına köre, bu müddet içinde 2783 insan hastalandı, qırğınlıq seviyesinden 16,5% çoq ola.
Keçken afta da qırğınlıq sebebinden bala bağçaları ve mekteplerniñ qapatıluvı aqqında haber etilgen edi.
