İşğal etilgen Qırımnıñ mekteplerinde Rusiye prezidentiniñ Fermanı ile 2025 senesi "Vatan qoruyıcısı yılı" olaraq ilân etilgeni sebebinden talebelerniñ añlarını arbiyleştirüvniñ yañı dalğası başlandı. Bu aqta Qırım uquq qoruyıcılarından biri Qırım.Aqiqatqa ikâye etti.
Uquq qoruyıcınıñ malümatına köre, bu sebepten mektep müdirlerine tedbirler planını tizmek ve olarnı yıl devamında yerine ketirmek emir etildi.
"Mekteplerde "Vatan qoruyıcısı yılı"na bağışlanğan tantanalı tedbirler keçirilmeli. "Vatanperver köşeler"niñ açılması, Ukrayina ile cenk iştirakçilerini davet etip, "Qaramanlar vaqtı" cesürlik dersleriniñ muntazam keçirilmesi tevsiye etile. Bu, Qırımdaki talebelerniñ añlarını arbiyleştirüvniñ yañı basamağıdır ve istilâcı memleketniñ mefküresine qoşula", — dep tarif etti Qırım.Aqiqatqa uquq qoruyıcı.
Onıñ malümatına köre, Qırımnıñ Rusiye yolbaşçısı Sergey Aksönov Aqmescitte sıñır orduları içün arbiy oquv yurtunıñ açılması meselesini çezmekte.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
