Rusiye kontrolindeki Qırım akimiyeti mekteplerde üyle yemegini angi sermiyanen maliye etecegine qarar bermege azırlana. Qırımnıñ Rusiye parlamenti yolbaşçısınıñ muavini Alla Ponomarenkonıñ malümatına köre, bu norma Qırım mekteplerinde endi bar.
«Bu içtimaiy destek tedbiri endi çalışa. Sermiya cumhuriyet bücetinden sarf etile. Cumhuriyet bücetiniñ sermiyasını tutumlı qullanacaqmızmı ve federal bücetten balalarnı aşatacaqmızmı, ya da bir balanıñ aş fiyatı artacaqmı, ya da para yañıdan saylanıp, federal bücetten qarşılanacaq – komitetler vaziyetni talil etecek», – dep ayttı o, «Sputnik v Krımu» radiosınıñ yayınında.
Keçken sene Rusiyeniñ Kemerovo vilâyetinde keçirilgen teşkerüv mektep talebeleriniñ açlıqtan esini coyğanını isbatladı. Kuzbass Yaşkinskiy rayonınıñ Paşkovo köyündeki mektepniñ tibbiy hadimi resmiy şekilde qayd etilmegen esini coyğan üç bala bar edi, dep bildirdi. Bunıñ sebebi açlıq oldı.
Oquv yılınıñ başında Aqyarda ortatasil mekteplerde 300 oca yetmey edi.
2020 senesinden başlap şeerde «Zemskiy uçitel» programması bar, işke kelgen ocalarğa bir kerelik 1 mln ruble tölenecek.
