Yanvarniñ 11-nde Qırımda 13 yañı mazut ile kirlenüv noqtası tapıldı, dep bildirdi Qırımnıñ Rusiye ükümetiniñ yolbaşçısı Yuriy Gotsanük Telegram kanalında.
"Şimdilik beş belediyede — Keriç, Kezlev, Yedi Quyu, Saq ve Aqmeçit rayonlarında 13 kirlenüv ocağı tapıldı", — dep yazdı Gotsanük.
Onıñ aytqanına köre, "işke 700-den ziyade insan ve 100-den ziyade tehnika celp etildi".
Rusiye Federatsiyasınıñ nezaretindeki Keriçniñ başı Oleg Katorgin bildirdi ki, yanvarniñ 11-ne qadar şeer yalısında, Yeni-Qale qalesi rayonında, em de Çerepaşka, Smorjevskiy, Molodöjnoye ve şeer plâjlarında cermay ile lekelerniñ çıqarıluvı qayd etildi ve yoq etildi.
Bundan evel Qırımnıñ Rusiye yolbaşçısı Sergey Aksönov, tahminlerge köre, Qırımda mazut çıqarılması ile bağlı vaziyet fenalaşa bile, kirlenüv mıqyasınıñ artma telükesi yüksek, o, Rusiyeniñ Krasnodar ülkesiniñ yalısında qayd etilgenine oşağan seviyede ola bile, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
