Martnıñ 20-nda aqşamğa yaqın Rusiye quvetçileri martnıñ 17-nde tutıp esir etilgen qırımtatar Tair Seydametovnı evine yibergenler. Bunı "Qırım birdemligi" cemaat birleşmesi haber ete.
"Tair Seydametovnı azat ettiler. Erkek artıq evindedir. Bunı onıñ tatası Fatime Seydametova haber etti", - dep yazıla bildirmede.
Martnıñ 20-nde Ukrayina prezidentiniñ Qırım Muhtar Cumhuriyeti temsilciligi Tair Seydametov Aqmescitteki Rusiye FSB-siniñ idare binasında tutulğanını haber etken edi.
«Qırım birdemligi» cemaat birleşmesi martnıñ 17-nde Aqmescit rayonınıñ Yañı Sarabuz (Ukromnoye) köyünde kimligi belli olmağan insanlar qırımtatar Tair Seydametovnı tuttı, dep bildirgen edi.
«Qırım ğayesi» cemaat aq qorçalayıcı teşkilâtı soñki yılda Qırımda 12 insan hırsızlandı, dep bildirgen edi. Eki kişi soñra azatlıqqa çıqqan, eki insan cinaiy davanıñ mabüsleri olğan. 8 kişiden bir haber yoq.
Bir sıra şaatlıqqa baqmadan, Rusiye akimiyeti Qırımda insan aqları bozulğanını inkâr etmege devam ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
