Rusiyeniñ nezareti astında olğan Qırımnıñ Yuqarı mahkemesi Aqmescitniñ Kiyev rayon mahkemesiniñ advokat Aleksey Ladinniñ tevqif etilmesine dair qararını quvette qaldırğan. Bunı "Qırım birdemligi" cemaat birleşmesi haber ete.
Emil Kurbedinovnıñ qayd etkeni kibi, mahkemeci Ekstremizm ile küreş merkeziniñ areketlerini qanuniy dep tanığan.
Mudafaa tarafı Rusiye tarafından bir çoq bozuv yapılğanını qayd etti ve öz muracaatlarında tarif etti. Amma mahkeme olarnı red etti.
Adliyeci mahkeme oturışında iştirak etmege istey edi. Tutulğan yeri mahkeme oturışı ötkerilgen yerniñ yanında olğanına baqmadan onı mahkeme zalına ketirmegenler.
"Aleksey öz protokolında advokat olmasını talap etkenini büyük ariflernen yazdı. Birinci instantsiya mahkemesi böyle bir şey yoq edi ve Ladin özü bile bunı istemegenini ve zaten özü advokat olğanını qayd etti. Bugün ise Yuqarı mahkeme de bunen razı oldı", - dep ayttı Kurbedinov.
Advokat oktâbrniñ 13-nde yaqalandı. O "Rusiye ordusını itibardan tüşürüv" ve "ekstremist timsallerni darqatuv" ile qaaatlana. Aleksey Ladinge 14 künlük tevqif ve 45 biñ ruble para cezası tayin etildi. Özü Ladin qabaatını tanımay, onıñ mudafaası ise Rusiye mahkemesiniñ qararlarını artıq şikâyet etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
