Link açıqlığı

Saatnıñ esas haberi

Qırımda mahküm etilgen «ukrain diversantları» davasınıñ» mabüsi Panov biñ künden berli apiste buluna


Yevhen Panov. Archive photo
Yevhen Panov. Archive photo

Qırımda yarımadada diversiya azırlağanında qabaatlanıp mahküm etilgen ukrainalı Yevğen Panov biñ künden berli nezaret altında buluna. Bu aqta mayısnıñ 2-nde qardaşı İğor Kotelânets Facebookta yazdı.

«1000 künden berli doğmuş qardaşım Yevğen Panov Kremlniñ siyasiy mabüsi ola… Bu 1000 kün içinde qorqunç işkence kördi: teninde bir qaç kün aqım bar edi, el-ayaqları «qarılğaçta» kerginlikte patlay edi, onı boğğanda aqcigeri nefes yetmegeninden boğula edi. Dayanıp sağ qaldı. Bu 1000 kün içinde rusiyeliler onı onlarnen apishanege avuştırdı, FSB ile işbirligi yapmağa, koloniyada çalışmağa, Rusiye gimnini yırlamağa zorladı, istegeni kibi qıynadı… Panov er şeyge dayanıp teslim olmadı», – dep yazdı Kotelânets.

Fevral ayında Panov Rusiyeniñ Omsk şeerindeki №6 tüzetüv koloniyasına ketirildi.

Omsk şeerindeki №6 tüzetüv koloniyası mahkümlerniñ 2018 senesi oktâbr ayında kötergen isyandan ve ilân etken açlıqtan soñ belli oldı, olar qılınuvğa qarşı narazılıq bildirgen edi.

2018 senesi iyülniñ 13-nde Kreml kontrolindeki Qırım Yuqarı mahkemesi Panovnı 8 yıl sert rejimli koloniyada qalmasına üküm etti. O, tahqiqat ile kelişmege razı olmadı.

2016 senesi avgust ayında Rusiye Federal havfsızlıq hızmeti (FSB) ilhaq etilgen Qırımda «ukrain diversantları» yaqalanğanını ilân etken edi, olar yarımadada terakt kerçekleştirmege azırlanğan ekenler. Tutulğanlar belli bir müddet devamında Moskvanıñ Lefortovo SİZOsında olıp, Qırımğa ketirilgen edi.

Rusiye mahsus hızmetleri, tevqif etilgen Yevgeniy Panov ve Andrey Zahtey «diversantlar gruppasına» kirgen edi, dep bildirdiler, olar yarımadanıñ turistik ve içtimaiy infrastruktura yerlerinde terakt kerçekleştirmege planlaştırğan ekenler.

Ukraina akimiyeti rusiyelilerniñ ukrainlerge atqan qabaatlavlarını red ete ve bunı mahsus hızmetlerniñ provokatsiyası olaraq tanıy.

Zahtey tahqiqat ile mahkemeden evel añlaşma imzalağan edi. Fevral ayında o 6 yıl ve 6 ayğa sert rejimli cezahanede apis muddetine ve 220 biñ ruble (tahminen 105 biñ grivna) miqdarında para cezasına mahküm etilgen edi.

XS
SM
MD
LG