Rusiye nezaretindeki Aqmeçit (Çernomorskiy) rayon mahkemesi, muqaytsızlıq neticesinde dayverniñ ölümine sebep olğan Qırım sakinine bir yıllıq serbestlik sıñırlavı üküm etildi. Bu aqta Rusiye Tahqiqat komiteti bildire.
Tahqiqatnıñ rivayetine köre, qabaatlanğan kişiniñ şeadetnamesi ve kerekli bilgileri olmağanından sebep dayvernen çarpışma yüz berdi. Neticede, soñkisi yaralandı ve elâk oldı.
Mahkeme, cezanı üküm etkende, rusiye qanunlarına köre bu cinayet “küçük cinayetler” sırasına kirgenini közde tutqanı bildirile.
Cezalanğannıñ açıq tefsirleri yoq.
Bu yıl avgust ayında Qırımda Qara Acı (Olenövka) köyüniñ yanında aqmescitli dayver kezinti gemisiniñ tübüne tüşüp, elâk oldı.
Keççe, rusiye prokuraturası, elâk olğan dayverniñ tanıtma alâmetleri olmağanını bildirdi.
