Rusiye quvetçileri, Qırımda, mektep zorbalığını propaganda etken gruppalarğa bağları olğan 1500-ge yaqın internet qullanıcını tapıp blok etti. TASS haber etkeni kibi, bunı Rsuiey Cenübiy federal bölükniñ Baş prokuraturasınıñ idare başı Konstantin Somov aytıp berdi..
"Bizim facialı tecribemiz oldı - Keriç vaqiaları, biz birleştik, meseleni talil ettik ve Qırımda büyük teşkerüvni yapıp, mektepte zorbalıqnı propaganda etken gruppalarğa bağı olğan, yaşlarnıñ arasında 1500 internet qullanıcısını taptıq. Olarnıñ episini blok ettik, çünki başqa türlü çare yoq edi", - dedi Somov.
Mustaqil manbalarda bu malümatnıñ tasdıqı yoq.
Oktâbrniñ 17-nde, Keriç politehnik köllecinde patlav ve atışuv oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Facia neticesinde 21 insan elâk oldı. Qırımda üç künlik matem ilân etilgen edi.
Oktâbrniñ 19-nda Keriçte ve Yedi Quyu rayonında ücüm qurbanlarınıñ cenazeleri qılındı. Vedalaşuv merasimine biñlernen insan keldi.
Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.
