Qırımda aprel 12-15 tarihlerinde yüksek yanğın telükesi beklenile. Keçken yılğan köre yanğınlarnıñ sayısı beş kere arttı, bildire Rusiye FVN-niñ Qırım idaresi.
Bu malümatqa köre, ot ve çöplük yanğınlarınıñ sayısı 38%-ğa arttı.
Bundan sebep 2020 senesi aprel 10-unden itibaren yarımadada "mahsus yanığn rejimi" tayinlendi.
Soñki aftada yarımadada onğa yaqın orman yanğını oldı.
Böylece, Bağçasaray rayonında Biya Sala (Verhoreçye) orman müdirligi territoriyasında yanğın oldı. Onı 12 saattan soñ söndürip oldılar.
Aprelniñ 7-sinde aqşam dağcılar Yalta orman qoruğında Botkin soqağı civarında 0,6 gektarnı qaplap alğan yanğınnı söndürgenleri aqqında belli oldı.
Daa evel bildirile edi ki, aprelniñ 5-inde Yalta orman qoruğında olğan yanığn söndürildi.
Rusiyeniñ Qırım boyunca FVN-niñ malümatına köre, kecken afta yarımadada 84 yanğın oldı.
Qurtarıcılaq martnıñ 16-sında aqşam Yalta dağ-roman qoruğında Üç Qoş deresindeki olğan yanğınnı söndürdi. Bunı Rusiye FVN-niñ Qırım idaresi bildirdi.
