"Qırımda minus rusiyeniñ Ka-27. Qıdırğanınk taptı", - dep yazdı o ve qoşma tafsilâtlar bermedi. Rusiyede Qırımda helikopterniñ yoq etilmesini izaatlamadılar.
Soñki sefer fevralniñ başında Rusiye arbiy-deñiz quvetleriniñ helikopteri tüşkenini bildirgen ediler. O vaqıt "Tavria" ordulasınıñ operativ-strategik gruppirovkasınıñ komandanı Aleksandr Tarnavskiy Avdiyivka yönelişinde Ka-52 rus helikopteriniñ tüşürilüvi aqqında ikâye etti.
Ukrayina Silâlı quvetleriniñ Baş ştabınıñ malümatına köre, Rusiye cenk başlağanından berli 325 helikopter ve 347 uçağını ğayıp etti.
Ka-27 çoq vazifeli gemi helikopter. O, farqlı sınıf gemilerine esaslanıp, flotnıñ gemilerge qarşı mudafaasınıñ meselelerini çezmek içün yapılğan. Zemaneviy suvastı gemilerni ve suv üstündeki nişanlarnı tapıp, olar aqqında malümat bermege, em de bort zarar berüv vastalarını qullanıp, olarğa ücüm ete bile.
Saba Aqyarda ava telükesi ilân etildi, yerli telegram kanalları ise RF Ava mudafaasınıñ iş sesleri aqqında yazdı. Rusiye nezaret telgraf kanalları Qara deñiz üzerinde bir qaç raketa aqqında haber etti. Rusiye Mudafaa nazirligi ve Ukrayina arbiyleri vaziyetni şimdilik izaatlamadı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
