Qırımda oktâbrniñ 24-25-nde Atlantik tsiklonnıñ suvuq issisi sebebinden ava bozulacaq. Bu aqta Qırımdaki Rusiye Fevqulâde vaziyetler hızmeti idaresiniñ matbuat hızmeti bildire.
«Zor ava şartları olması beklenile: küçlü, bazı yerlerde pek küçlü yağmurlar, furtuna, cenübiy-ğarbiy yel quvetleşip, şimaliy-ğarbiy yelge keçecek (saniyede 20-25 metre)», – dep aytıla haberde.
Hızmet diqqatlı olmağa tevsiye ete. Küçlü yağmur yağacağına dair haber alğan soñ şeerge çıqmamağa, evde ya da işte qalmağa tevsiye etile.
Ukraina ve ğarp sinoptikleri, esas Ukrainada suvuq ve dımlı iş aftasından soñ sıcaq raatlıq künleri olacaq, dep bildirşen edi. Qırımnıñ gidrometmerkezi raatlıq künleri olacaq ava aqqında daa bir şey bildirmedi.
