Qırımda cumaaqşamı künü, iyünniñ 17-nde, yağanaqlarnıñ çoq yağması beklenile, çoq yerni suv basacaq, soqaqlarda «suv tizlerge qadar çıqacaq». Bu aqta «Fobos» Rusiye ava merkeziniñ hadimi Yevgeniy Tişkovets bildirdi.
«Şarqiy Qırım, Keriç, Kefe. Anda bazı yerlerde 30-50 mm yağanaq yağacaq, yani bir metr kârege aman-aman yarım suv çapçaqı. Andan suv basuvlar aqqında kederli haberler kelecek. Eñ çoq Keriçte olacaq», – dep bildire Tişkovetsni TASS.
Sinoptik, tahmin etilgen suv basuvları tsiklonnen bağlı, onıñ malümatına köre, Qırımda iyünniñ 17-nde küçlü yağmurlar yağacaq, dep qayd etti.
«Sabağa doğru ve kündüz (yağanaqlar – QA) Qırım yarımadasınıñ şarqına, Keriç, Kefege keçecek. Suv tizlerge qadar, belki, daa çoq çıqacaq», – dep qayd etti o.
Keçken aftanıñ soñunda avalar qızğan soñ raatlıq künleri Qırımğa suvuq ava kelecek, dep haber etildi.
