Cumaertesi künü, sentâbrniñ 5-nde, Qırımda küçlü sağanaq, boranlı yağmur yağacaq ve furtunalı yel esecek. Bu aqta yerli Gidromettsentrniñ matbuat hızmeti bildire.
Aqmescitte bulutlı ava beklenile. Çoq yağmaycaq yağmur, bazı yerlerde küçlü sağanaq, boranlı yağmur, burçaq yağacaq, yel süratı saniyede 20-25 metr olacaq. Ğarbiy yel saniyede 8-13 metr olacaq. Gece ava arareti 17…19°, kündüz 22…24° olacaq.
Aqyarda bulutlı ava olacaq. Yağmur yağacaq, bazı vaqıtları küçlü, boranlı yağmur yağacaq. Şimaliy-ğarbiy yel süratı saniyede 10-15 metr olacaq. Gece ava arareti 17…19°, kündüz 23…25° olacaq.
Qırımnıñ cenübiy yalısında da bulutlı olacaq. Az yağacaq yağmurdan soñ bazı yerlerde boranlı yağmur, sağanaq, burçaq yağacaq, yel süratı saniyede 20-25 metr olacaq. Ğarbiy yel saniyede 8-13 metr süratınen esecek. Gece ava arareti 19…21°, kündüz 23…25° olacaq.
Keriçte ava bulutlı olıp açılacaq. Yağmur, boranlı yağmur az yağacaq. Cenübiy, cenübiy-ğarbiy yel süratı 6-11 metr olacaq, saniyede 14 metr de esecek, boranlı yağmur vaqtında yel süratı saniyede 12-17 metr olacaq. Gece ava arareti 18…20°, kündüz 25…27° olacaq.
