Martnıñ 11-inde bazarertesi künü Qırımda küçlü furtunalı yel beklenile, dep bildire yarımada gidromettsentri.
Sinoptiklerniñ tahminlerine köre, Aqmescitte (Simferopol) deñişici bulutlılıq, gece yağanaqlarsız. Kündüz yağmur. Ava arareti kündüz +14° derecege qadar.
Bildirilgenine köre, Aqyarda (Sevastopol) deñişici bulutlılıq. Gece yağanaqlarsız, saba ve kündüz yağmur. Yel 10-15 m/s. Ava arareti kündüz +11…+13° derecede.
Qırımnıñ şimalinde kündüz deñişici bulutlılıq. Gece hafif yağmur, kündüz yağmur.. Şimal-ğarbiy yel 8-13 m/s, bazı yerlerde 15 m/s-ge qadar. Ava arareti kündüz +14° derecege qadar.
Keriçte kündüz deñişici bulutlılıq. Gece yağanaqlarsız, kündüz bazı yerlerde yağmur. Şimal-ğarbiy yel 5-10 m/s. Ava arareti kündüz +11…+13°.
