Qırımda iyün 9-12-sinde olacaq yüksek yanğın telükesi aqqında acele ihtarnı ilân ettiler. Bunı Qırımnıñ rusiyeli FVN bildire.
"Qırımda quru ve yelli ava olğanından sebep, keçken yılnıñ aynı müddetine köre, tabiy yanğınlarnıñ sayısı 5 kere arttı, çöplük ve ösümlik yanğınları 38%-ğa çoqlaştı, bunıñ içün 2020 senesiniñ aprel 10-unden berli bütün yarımadada mahsus yanğın rejimi tayinlendi. Bu, Qırım sakinleri ve musafirleri içün yanğın telükesizligi qaidelerine riayet etilmesine dair qoşma tedbirlerni közde tuta", - denile beyanatta.
Bildirmede, yanğınğa qarşı tedbirlerge riayet etmemesi içün 2-den 400-gece biñ ruble cöreme olacağı belgilene.
Daa evel Qırımda orman ziyareti yasağını uzattılar.
Qurtarıcılar Qırımda açıq yerlerde quru ösümliklerniñ yanması sıqlaştı, dep bildirgen edi. Qırımda tabiat yanğınlarınıñ sayısı beş qat arttı.
