Uquq qorçalayıcılar Qırım ilhaqı vaqtında elâk olğan 60 insannı qayd etti, 28-i qırımtatar halqınıñ vekilidir. Bunı Qırımtatar resurs merkezi bildire.
- Siyasiy basqılarnıñ qurbanları (4, 3 qırımtatar);
- Ayırım qurbanları (13, 11 qırımtatar);
- Terror qurbanları (30, 8 qırımtatar);
- Polis zorbalığınıñ qurbanları (13, 6 qırımtatar).
"Qırımda tamır qırımtatar halqı ve Ukrayina tarafdarı olğan faallerge basqı ve qorquzuv usulı olaraq qullanılğan insanlarnıñ apiske alınmasını, tutulmasını, hırsızlanmasını ve öldürilmesini takbih etemiz", — dep aytıla QRM-niñ beyanatında.
Qırımtatar resurs merkeziniñ bildirgenine köre, 2017 senesinden başlap Rusiye tarafından işğal etilgen Qırımda 10 018 insan aqlarınıñ bozuluvı qayd etildi, 6 730-ı qırımtatar halqınıñ vekillerine nisbeten.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
