2022 senesi mart ayından başlap Qırımdaki mahkemeler "RF ordusını itibardan tüşürüv" maddesi ile 389 qarar çıqardı. Bunı "QırımSOS" uquq qoruyıcı teşkilâtınıñ talilcisi Yevğen Yaroşenko bildirdi.
"Bu yıl avgustnıñ 10-na olğan malümatqa köre, Qırımda Rusiye ordusını itibardan tüşürüv ile bağlı memuriy uquq bozma davaları üzre 389 qarar çıqarıldı. Bundan ğayrı, işğal etilgen yarımadada tekrar "Rusiye ordusınıñ itibardan tüşürüv" iddiası ile bağlı davalarda üç qabaatlav qararı çıqarılğan", - dep bildirdi o.
Teşkilâtnıñ malümatına köre, bu davalarda eñ çoq qarar Rusiyeniñ nezareti altında olğan Aqmescitniñ Kiyev rayon mahkemesi taarfından çıqarılğan - 57, eñ az ise Qırımnıñ Pervomaysk rayonında qayd etilgen - 1.
Qırım Ğayesi 2023 senesi fevral ayından başlap yarımadada "Rusiye ordusını itibardan tüşürüv" maddesi ile 103 protokol tizilgenini bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
