Kyivdeki Rusiye elçihanesi ögünde işğal etilgen Qırımda ğayıp olğan insanlarğa bağışlanğan aktsiya olıp keçti. «Taqvim 15 kişilik kâğıtnı qapatır» aktsiyası dört yıldan berli keçirile. Onıñ maqsadı ilhaq etilgen yarımadada ğayıp olğan insanlarğa diqqat celp etmektir.
Faallerniñ qayd etkenine köre, Rusiye Qırımnı ilhaq etken soñ, Qırımnıñ 44 sakini ğayıp olğan, 15-i aqqında alâ daa iç bir malümat yoq.
Elçihane qorası ögünde faaller sofra donatıp, ğayıp olğanlarnıñ adları ile kâğıtlar qoydı. Qollarında ise ad levhalarını tuttı.
Azatlıq Radiosınıñ mühbiri Rusiye elçihanesi ögünde Qırımda hırsızlanğan insanlarğa bağışlanğan aktsiyanıñ fotoresimlerini yaptı.
Facebook Forum