Qırımda keçken künü 203 koronavirus hastası qayd etildi, 40-ınıñ hastalıq alâmetleri yoq edi, dep bildirdi Qırımnıñ Rusiye yolbaşçısı Sergey Aksenov. Bu raqam Qırımda pandemiya vaqtında yañı antirekord oldı.
Umumen Qırımda, yerli akimiyetniñ malümatına köre, 7200 insan koronavirusqa oğradı, 113 kişi vefat etti. Rospotrebnadşçor idaresiniñ malümatına köre, hasta sayısına köre liderler – Aqmescit ve Bağçasaray rayonı. İslâm Terek, Qurman ve Krasnoperekop rayonlarında da hasta sayısı arta.
Qırım ve Aqyardaki Rospotrebnadzor idaresiniñ yolbaşçısı Natalya Penkovskaya yarımadada epidemiologik vaziyet kerginleşe, dep bildirdi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
