Rusiye kontrolindeki Sovet rayon mahkemesi 50 yaşındaki yerli sakinine içtimaiy ağlarda bergen izaatları içün para cezasını berdi. Bu aqta makemeniñ matbuat hızmetine atfı etip, rusiyeli telegram kanalları haber ete.
Qayd etilgenine köre, VKontakte içtimaiy ağınıñ gruppalarından birinde İliçevo köyüniñ sakini RF ordusını "itibardan tüşürgen" kibi tefsirlerni qaldırdı.
"Makeme oña 50 biñ ruble memuriy para cezasını berdi", — dep aytıla haberde.
Tam mıqyaslı istilâ başlağan soñ Rusiye Federatsiyasına ve onıñ tarafından işğal etilgen topraqlarğa, Rusiye ordusınıñ "diskreditatsiyası" aqqında Memuriy cinayetler kodeksiniñ 20.3.3 maddesi kirsetildi. Meselâ, yanvarniñ 31-nde haber etilgenine köre, Qırımda 55 yaşındaki aqayğa 50 biñ ruble para cezası berildi, çünki o, video-çatta Rusiye prezidentini aqaretledi.
Rusiye-Ukrayina cenki aqqında malümat tarqatqanı ve Kremlniñ noqta-i nazarına zıt kelgen er angi fikirni bildirgeni içün "iftira" maddesine istinaden taqip etile.
Ukrayina prezidentiniñ Qırım Muhtar Cumhuriyetindeki Temsilciliginiñ malümatına köre, 2024 senesi dekabr ayınıñ soñunda Qırımda Rusiye ordusınıñ "diskreditatsiyası" maddesine istinaden 1126 memuriy dava açıldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
