"Taygan" arslan parkınıñ ve "Skazka" ayvanat bağçasınıñ müdiri, qırımlı iş adamı Oleg Zubkov Hersonda Rusiye arbiyleri tarafından qırsızlanğan dişi qaşqır, eşek ve lamanı kösterdi.
Onıñ sözlerine köre, noyabrniñ 16-nda "Taygan"da Hersondan ayvanlarnıñ qabulını tamamlağanlar.
"Taygan" arslan parkınıñ matbuat hızmeti, Zubkov şahsen işğal etilgen Hersonğa ketip, ayvanlarnı qurtarğanını" bildiye.
Parkta Daşa adlı dişi eşek ve Roma adlı lamanı kösterdiler.
Keçenlerde "Taygan" arslan parkınıñ matbuat hızmeti Hersonda qırsızlanğan yanatlar ile resimlerni yayınladı.
Herson ve vilâyetniñ bir qısmı rusiye arbiyleri tarafından martnıñ başında işğal etildi. Noyabrniñ 11-nde Ukrayina Mudafaa nazirligi Herson Ukrayina ordusınıñ nezareti altına qaytqanını ilân etti. Şeerniñ merkezinde Ukrayina bayrağını köterdiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
