Qırımda Rusiye arbiylerini tadaviy etmek içün qullanılacaq hastahanelerniñ sayısı kettikçe ep arta. Bunı Ukrayina prezidentiniñ Qırım MC daimiy temsilciligi haber ete.
"Rusiyeliler işğal altındaki Qırımda adiy eali içün olğan hasthanelerni aribiy maqsatlar içün qullanmaqnı devam ete. Kettikçe arbiylerge hızmet kösterecek hastahanelerniñ sayısı arta, bunıñ neticesinde de grajdan ealisi zarar köre ve kerekli kibi tibbiy yardım alamay", - dep yazıla bildirmede.
Aynı zamanda, haber etilgeni kibi, yaralanğan arbiylerniñ sayısı çoq olğanı ealige kösterilgen tibbiy hızmetlerniñ keyfiyeti fenalaşa.
Evel Ukrayina akimiyeti rusiyeliler Mariupoldeki hastahanelerde bütün bala bölüklerini qapatqanını haber etken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
