Qırımda noyabrniñ 16-nda hastahane, bala evleri, internat ve diger içtimaiy müessiselerni ziyaret yasağı koronavirus sebebinden uzatıldı. Yasaq ayrı buyruq çıqarılğanına qadar belli olmağan müddetke uzatıldı. Belli deñişmeler Qırımnıñ Rusiye yolbaşçısınıñ yüksek seviyeli azırlıq rejimi fermanına kirsetildi.
Vesiqada qayd etilgenine köre, bala evleri ve internat hadimleri 14 kün devamında çalışacaq.
Qırımda, akimiyetniñ malümatına köre, pandemiya başlağanından 12367 insan COVID-19-ğa oğradı, 212 kişi vefat etti.
Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
