İyülniñ 25-nde qırımtatar tili filologı ve "Hansaray"nıñ sabıq müdiri Server Ebubekirov vefat etti. Bunıñ aqqında Ukrayina millet vekili Ahtem Çiygoz bildirdi, dep haber ete "Suspilne".
Onıñ sözlerine köre, Ebubekirov faal medeniyet erbabı ve yarımadanıñ Rusiye tarafından işğal etilmesine qarşı tirengenlerden biri edi.
"Men onı çoqtan bile edim, daa 90-ncı senelerden. Men o zaman regional Meclisniñ reberi edim, o ise Hansaraynıñ müdiri edi. O pek bilgili, aqıllı ve meraqlı adam edi. 90-ncı seneleri biz Bağçasaray rayonınıñ territoriyasında öz tarihımıznı endi-endi ögrenip başlağanda çoq şeyni ondan ögrendik. O devirde o pek faal edi. İşğal başlağanda ise oña qarşı edi", - dep ayttı Çiygoz.
Vedalaşma merasimi iyülniñ 26-nda saat 14-te Bağçasarayda olacaq.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
