Dört yıl evel ilhaq etilgen Qırımda hırsızlanğan faal, Bağçasaray rayon meclisiniñ azası Ervin İbragimov 35 yaşını toldurdı, haber etti Facebookta Qırımtatar Milliy Meclis reisi Refat Çubarov.
"Vaqianıñ obyektiv taqiqatını talap etken ana-babasınıñ ve tuvğanlarınıñ, cemaatnıñ ve advokatlarnıñ ıntıluvları bir neticege ketimedi. Qırımdaki işğalci rusiye akimiyeti Ervin İbragimovnıñ hırsızlanmasınıñ teşkil eticileridir. Biz seni bekleymiz, ürmetli Ervin!", - yazdı Çubarov.
Ervin İbragimov hırsızlanğan soñ Kyivde Rusiyeniñ Ukraina elçihanesi ögünde «Ervin qayda?» muntazam aktsiyaları keçirile.
Bağçasarayda 2016 senesi mayısnıñ 24-nde Dünya qırımtatar kongressi icra komitetiniñ azası, Bağçasaray şeer şurasınıñ sabıq deputatı Ervin İbragimov hırsızlanğan edi. Maşinası orta yolda tapıldı.
Qırımtatar faali Nariman Celâl tutulğanını video nezareti kameraları qayd etti, dep bildirdi. Video uquq qoruyıcı organlarına berildi.
Ğayıp olğan insannıñ babası yarımadanıñ Rusiye prokuraturasına ariza berip, oğlunı qıdırmağa rica etti.
Qırım Muhtar Cumhuriyetiniñ prokuraturası Ervin İbragimovnıñ ğayıp olmasınen bağlı mahkemeden evel tahqiqat keçirmekte.
Qırım ilhaqından soñ yarımadada insanlar, hususan qırımtatarlar, sıq-sıq qaçırılmağa başladı. Rusiye Taqiqat komitetiniñ Qırım idaresi, «yarımadada qırımtatarlarnıñ kütleviy ğayıp olması» qayd etilmey, dep israr ete.
