Qırımda tünevin üç maşna yandı, adise tafsilâtını ekspertler bilmege tırışa. Bu aqta Rusiye FVN-niñ Qırım idaresiniñ matbuat hızmetiniñ malümatından "RİA Novosti Krım" haber agentligi bildire.
Böylece, tünevin aqşam Aqmescitniñ Bavurçı qasabasında UAZ maşnası yandı. Yanğın neticesinde maşnanıñ kabinası bütünley yanıp ketti, yaralanğanlar yoq. Maşna saibini qıdıralar.
Bundan ğayrı tünevin gece daa eki maşna yanğını yüzberdi. Agrarnoye köyünde VAZ 21101 maşnası yandı.
Qurtarıcılar yanğın tarqalmasını toqtatıp oldı, amma maşna bütünley yanıp ketti. Yanğın 5 metr kvadratlıq mıntaqanı qaplap aldı, ekspertler onıñ sebeplerini bilmege tırışa.
Aluştanıñ Partenit qasabasında ise VAZ 2104 maşnası yandı. FVN-niñ bildirgenine köre, maşnanıñ bütüni yanıp ketti, saibi daa belli degil, yaralanğanlar yoq.
