İyülniñ 6-nda kündüz ve gecegece, daa iyülniñ 7-nde Qırımda sağnaqlar, boranlı yağmur, burçaq, yel beklenile. Bunı Qırım boyunca Rusiye FVN haber etti.
«Yaramay ava sebebinden suv basuvı, eyergetika ve mesken-kommunal hocalıq obyektlerinde qazalar ile bağlı fevqulâde vaziyetler ola bile, cemaat naqliyatı qatnamay bile», – dep haber ettiler idarade.
FVN malümatına köre, bu künleri «reklama levhalarınıñ, yaramay pekitilgen inşalar, terekler tüşmesi ve elektrik hattılarınıñ üzülmesi ile bağlı ealiniñ ayatı ve sağlığı içün telüke bar. Qara, Azaq deñizlerinde ve Keriç boğazında da fevqulâde vaziye ola bile».
Qırımda toqtamağan sağanaqlar sebebinden iyülniñ 4 ve 5-nde Bağçasaray rayonındaki bir sıra mesken yer suv altında qaldı. Küçlü yağanaqlar Bağçasaray rayonında tahminen 100 evni suv basmasına sebep oldı. Suv basuvından zarar körgen esas köyler – Albat, Kokköz, Foti Sala, Aromat. Şiddetli yağanaqlar sebebinden Belbek, Kokköz ve Baga özenleri taştı.
Bağçasaray rayonında suv basqan yerlerden 160 insan tahliye etildi, olarnıñ arasında 31 bala.
Qırım Gidrometeorologik merekeziniñ malümatına köre, Belbek özeninde suv seviyesi 2 metr 40 santimetr artqan.
Bağçasaray rayonında fevqulâde vaziyet ilân etildi.
Evel bol-bol yağğan yağmurlar ve tufan sebebeinden Yalta ve Keriç zarar kördi.
