Qırımda furtunadan soñ tahminen 200 biñ adam alâ daa elektriksiz qalmaqta, dep haber ettiler "Krımenergo"da.
"Elektriksiz istimalcılarnınh sayısı 200 biñ oldı. Eñ çoq Aqmescitte (42,1 biñ), Saq 24,8 biñ, Bağçasaray (21,6 biñ), Seyitler (15,3 biñ) ve Qarasuvbazar (15,1 biñ) rayonlarında", - dep yazıla bildirmede.
Bunen beraber Keriçniñ işğal yolbaşçısı Svâtoslav Brusakov şeerde 200 abonet elektriksiz qalğanını bildirdi.
Aluşta şeeriniñ muavini Sergey Donets şeerde 54 stantsiya çalışmay, dep bildirdi.
Qırımda bir qaç künden berli yağmur yağa. Yaramay ava sebebinden onlarnen terek ve farqlı rayonlardaki evler zarar kördi.
Qırımnıñ işğal yolbaşçısınıñ mesleatçısı Oleg Krüçkov "Krımenergo" işhanesiniñ malbmatına atıf etip, Qırımda 498 biñ adam elektriksiz qalğanını bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
