Qırımda küçlü yel ve yağmurlar sebebinden furtuna havfı eki künge uzatıldı, dep haber ete Qırımda Rusiye Fevqulâde vaziyetler nazirliginiñ matbuat hızmeti.
«Dekabrniñ 13-nde cenübiy tsiklon sebebinden Qırımda yağmurlar beklenile, cenübiy, merkeziy, şarqiy rayonlarda ve dağlarda pek küçlü, dekabrniñ 14-nde gece sılaq qar yağması beklenile. Cenübiy-ğarbiy yel şimaliy-ğarbiy yelge keçip, saniyede 10-15 metr, bazı yerlerde 20-25 metr esecek. Dekabrniñ 14-nde ava arareti eksiledejk: gece 0-5 suvuq, kündüz 0-5 sıcaq olacaq», – dep aytıla haberde.
Qırımda dekabrniñ 10-ndan 12-ne qadar furtuna havfı ilân etilgen edi.
Müessise Qara, Azaq deñizleri ve Keriç boğazında qazalar ola bile, dep qayd ete. İnsanlarnıñ yalığa yaqın, pirs ve yalını pekitüv inşaatlarında bulunması ayatları içün telükeli ola.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
