Qırımda sentâbrniñ 5-nde furtuna telükesi ilân etilgen. Bunı Qırımnıñ Rusiye Fevqulâde vaziyetler nazirliginiñ matbuat hızmeti haber ete.
"Sentâbrniñ 5-nde Qırımda saniyede 17-22 metr şimal-şarqiy yel devam etecek", - dea yazıla bildirmede.
Evel sentâbrniñ 2-4 şiddetli yel sebebinden furtuna telükesi ilân etilgen edi.
Qırım sakinlerini tereklerden, yaramay pekitilgen inşalardan, elektrik naqil hattılarından uzaq turmağa çağıralar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
