İlhaq etilgen Qırımda furtuna ihtarını mayısnıñ 9-ınace uzattılar. Bunı Qırım boyunca Rusiye FVN-niñ matbuat hızmeti bildire.
Müessisede mayısnıñ 6-sından 9-ınace "yüksek yanğın telükesi qalacağı"nı qoştılar ve dağlarnıziyaret etmemege, çöplük ve quru ösümliklerni yaqmamağa çağırttılar, ve bu qaidelerni bozğanlarnı cöreme beklegenini hatırlattılar.
Daa evel bildirile edi ki, ilhaq etilgen Qırımda mayısnıñ 1-inden 5-inece yüksek yanğın telükesi aqqında furtuna ihtarını ilân ettiler.
Qırımda mayısnıñ 5-inde yağmurlar ve 15 m/s qadar yel beklenile.
Hatırlatayıq, aprelniñ 28-inde Qırımnıñ cenübiy yalısında dağda yanğın oldı, onı sadece ertesi künü söndürip oldılar.
Aqyarnıñ rusiyeli ükümeti mayıs 21-inece dağlarnıñ ziyaretini yasaqladı.
Qırımda yaz yanğın telükesi mevsimininiñ başlanğıçını aprelniñ 1-inde ilân ettiler. Oramn ziyaretiniñ yasağı mayısnıñ 12-sinece uzatıldı.
