Qırımda mayısnıñ 27-ne furtuna havfı ilân etildi. Bu aqta Qırımnıñ gidromettsentri bildire.
«Mayısnıñ 27-nde Qırımda büyük bir yanğın telükesi olacaq», – dep aytıla haberde.
Qayd etilgeni kibi, Qırımda aprelniñ 1-nden itibaren yüksek yanğın seviyesi ilân etile.
Müessise yarımada sakinleri ve musafirlerini ormanda yanğın telükesizligi qaidelerine riayet etmelerine çağıra.
2018 senesi sentâbrniñ ortasına qadar Qırımda yüksek yanğın telükesi bar olğanından sebep ormanlarnıñ ziyaret etilmesi yasaqlanğan edi.
Keçken sene avgust ayında Yalta civarındaki Uç-Koş deresinde üç kün devam etken orman yanğını söndürilgen edi. Fevqulâde vaziyetler nazirliginiñ malümatına köre, qoruq ormanınıñ tahminen 26 gektarı yandı.
