Dekabr 3-ünde qırımtatar Milliy Meclis azası. Qırımtatar halqınıñ aqlarını qorçalav komitetiniñ reisi Eskender Bariyev, ilhaq etilgen Qırımda yaşağan doğmuşlarını FSB hadimleri sorğuğa çekkenini bildirdi. Bariyevniñ aytqanına köre, FSB onıñ 85 yaşlı babasına ve eki tatasına keldi.
“Tuvğanlarımı tiymeñiz, olarnıñ menim faaliyetime ve noqta-i nazarıma iç bir alâqası yoq. Men gizlenmeyim. Men areketlerimni açıq yapam. Kyivde yasayım. Men öz baqışlarımnı, Qırımda işğalci akimiyet insan aqlarını bozğanı aqqında açıq, atta halqara seviyeyesinde ifade etem. Menimce, Qırımda işğalci akimiyet insan aqlarını boza, basqınç yapa ve menim halqımnı genotsidke oğrata”, - dep yaza Bariyev öz Facebook saifesinde.
Bariyev, FSB böyleliknen oña “biñlernen adamlarQırımnı serbest etmek içün ve qırımtatar halqına birdemlik köstegen içün Halqara areketine qoşulğanı içün basqınç” yapmağa tırışqanını beyan ete
Qırımda ve Aqyarda rusiyeli FSB milliy meclis azası Eskender Bariyevniñ beyanatına tefsir bermedi.
Uquq qoruyıcılarnıñ malümatına binaen, Rusiye ve o ilhaq etken Qırımda 60-tan ziyade Ukraina vatandaşı siyasiy sebeplerden dolayı serbestlikten marum etilgen buluna. Ukraina Tış işleri nazirligi Rusiyege, anda tutulğan ukrainalılarnı azat etmesi talabınen 300-ge yaqın nota yolladı.
İşğalden soñ Qırımdaki faktik Rusiye akimiyeti mustaqil jurnalistler, vatandaş faalleri, Qırımtatar Milliy areketiniñ faalleri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanlarından şübheli sayılğan Qırım musulmanlarınıñ evlerinde muntazam surette kütleviy tintüvler ötkere.
