Link açıqlığı

Saatnıñ esas haberi

Qırımda fevqulâde yanğın telükesi rejimini uzattılar


Körgezme süreti
Körgezme süreti

İlhaq etilgen Qırımda fevqulâde yanğın telükesi aqqında acele ihtarnı, yaznıñ deyerli soñunace – avgust 30-ınace uzattılar.

Bunı Rusiye nezaretindeki Qırım akimiyetiniñ Fevqulâde vaziyetler nazirliginiñ matbuat hızmeti bildirmekte.

"Qırımnıñ gidrometeorologiya ve tabiat monitoringi idaresiniñ malümatına köre, Qırımda avgust 25-30-ına qadar fevqulâde yanğın telükesi sürecek", - dep qayd ettiler müessisede.

Bundan evel Rusiye FVN-niñ Qırım idaresi, yüksek yanğın telükesi olğanı aqqında ve fevqulâde yanğın telükesi rejimi avgust 25-inece sürecegi aqqında ilân etken edi. Bunıñ içün yarımadada ateş yaqmaq ve pirotehnika patlatmağa yasaq.

Avgust 26-sında Qırımda pek sıcaq olacaq, yağanaqlar tahmin etilmey.

XS
SM
MD
LG