Qırımda fevqulâde yanğın havfı rejimi oktâbrniñ 2-ne qadar uzatıldı, dep bildire Qırımnıñ Gidromettsentri.
«Sentâbrniñ 28-nden oktâbrniñ 2-ne qadar Qırımda fevqulâde yanğın havfı olacaq», – dep tenbiley sinoptikler.
Qırım Fevqulâde vaziyetler nazirliginiñ idare qurtarıcıları yarımada sakinleri ve musafirleriniñ diqqatını telükesizlik tedbirlerine riayet etilmesi kerekligine celp ete.
Müessise, yana bilecek şeyler yanında ateş yaqmamağa, manğal qullanmamağa tevsiye ete: ormanda terek, quru ot yanında ateş yaqmamaq kerek.
Sentâbrniñ başında Qırımda fevqulâde yanğın telükesi rejimi ilân etilgen edi.
Qurtarıcılarnıñ malümatına köre, sentâbrniñ 26-ndan 28-ne qadar yarımadada quru ot yanması mümkün edi.
Sentâbrniñ 18-nde Kefe civarındaki Kaygador (Orconikidze) qasabasında 10 gektarda quru ot yanmağa başladı. Bir qaç saat içinde yanğın alanı 30 gektarğa arttı. Sentâbrniñ 19-nda saba yanğın 45 gektarnı qaplap aldı.
