Qırımtatar faalleri Qırımtatar bayraq kününe bağışlanğan «Bayraq areketi» avtoyürüşini ötkere, dep bildire Qırım.Aqiqat mühbiri.
Faaller Qırımnıñ köy ve şeerlerinde toqtap, qırımtatarlarnen körüşe ve bayraq künü munasebetinen tedbirler keçire. Avtoyürüş iyünniñ 24-nde başladı, bir kün içinde faaller 17 meskün yerni ziyaret etti.
«Marafonnıñ temeli bıltır qoyulğan edi. Akimiyet bazı qırımtatarlarnı ekstremist namzeti ya da azır ekstremist olaraq sayğanı içün olarnı qayd ete ve açıq faaliyet aqlarını sıñırlay, şu sebepten bayraq kününe bağışlanğan ananeviy yarış ve kontsertlerniñ çoqusını keçirmek imkânsız oldı, böylece bu ğaye peyda oldı», – dep tarif etti qırımtatar faali Nariman Celâl.
O, qırımtatar yaşları «vatandaş fikrini eksiltti ve ananeviy tedbirler pek paalı oldı», dep ayttı.
«Yañı bir şey uydurmaq kerek, dep dostlarımıznen qarar aldıq. Akimiyetten izin almaq yerine küçük gruppanen yürmege, amma insanlarnı toplaşmağa ve küçük tedbirlerni keçirmege çağırmağa qarar aldıq», – dedi Celâl.
İyünniñ 26-nda qırımtatarlar Milliy bayraq kününi qayd ete. Bayram künü olaraq 1991 senesi iyünniñ 26-27-nde Aqmescitte ötkerilgen ekinci Qırımtatar Milliy Qurultayınıñ birinci künü saylânğan edi.
Qırımtatar bayrağı üzerinde altın renkli tamğa tasvir etilgen kök renkli bir bayraqtır.
