Qırımda qırımtatar halqınıñ lideri Mustafa Cemilevniñ qız qardaşı, faal, oca Gülіzar Abdullayeva 78 yaşında vefat etti. Bu aqta Qırımtatar Milliy Meclisinde bildirdiler.
O, Bağçasaraydaki qırımtatar mektebinde çalıştı, istidatlı balalar içün mektep-internatta ingliz tili derslerini berdi.
"2025 senesi martnıñ 9-nda işğal etilgen Qırımda qırımtatar milliy areketiniñ faali, oca, bir nesil gençlerni tuvğan medeniyetine ve tiline sevgi ile terbiye etken oca Gülіzar Abdullayevanıñ 78 yaşında vefat etkeni aqqında büyük keder ile bildiremiz", — dep haber ete Qırımtatar Milliy Meclisiniñ matbuat hızmeti.
Gülіzar 1947 senesi iyün 12-de ana-babası anda sürgün etilgen Andijan vilâyetiniñ (Özbekistan) Aim qasabasında doğdı. O, Abdulcemil ve Mahfure Mustafayevlerniñ qorantasında altıncı bala edi, anda yedi bala doğdı ve östürildi, soñra olar qırımtatar milliy areketiniñ faal iştirakçileri oldılar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
