İşğal etilgen Qırımda eñ az 400 Rusiye askeri kömülgen, dep bildirdi Ukrayina Prezidentiniñ Qırım MC Daimiy temsilciligi.
"Olardan 280-i Ukrayina vatandaşı ola bile. Kömülgenlerniñ sayısı daa ziyade olması mümkün, çünki çoqusı malümat gizlene", - dep qayd ettiler temsilciilkte.
Bir afta evel Temsilcilikte 394 Rusiye arbiyiniñ defin etilmesi aqqında haber etken ediler. Böylece, bir afta içinde Qırımda eñ az daa 6 Rusiye askeri kömülgendir.
Bundan ğayrı, Temsilcilikniñ malümatına köre, rusiyeliler adamlarnı Rusiyeden kelgen bozuq arbiy tehnikanı tamir etmege mecbur ete ekenler. Qurman rayonınıñ Büyük Onlar qasabasındaki hızmet stantsiyasında hadimler arbiy tehnikanı bedava tamir etmege mecburlar, akis alda olarnı medburiy seferberlik ile tehdit eteler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
