Qırımnıñ Rusiye tarafından ilhaq etilgeniniñ 10 yılı devamında eñ azından 59 insan hırsızlandı. Eñ büyük dalğa işğalniñ birinci ayında keçti, dep tarif etti ''Qırım SOS'' talilcisi Yevğen Yarosenko ''Suspilne'' cemaat yayınlayıcısına bergen izaatında.
''59 adise teşkilâtımız tarafından qayd etildi. Eñ büyük dalğa Qırım işğaliniñ birinci ayında oldı, o vaqıt 20-den ziyade adise oldı'', - dep qayd etti o.
Yaroshenko añlattı ki, zorbalıqnen ğayıp etüv - bu devlet tarafından ya da onıñ sessiz razılığı ile areket etken insanlarnıñ vekilleri ya da gruppaları tarafından yapılğan cinayet, bir insannı yaqalamaq, hırsızlamaq ya da başqa bir şekilde azatlıqtan marum etüv. Bundan soñra hırsızlanğan adamnıñ bulunğan yeri ve taqdiri gizlene, şunıñ içün vatandaş qanunnıñ qoruvından marum qala.
2014 senesi yarımada Rusiye tarafından işğal etilgen soñ yerli sakinler muntazam sürette diskriminatsiya ve repressiyalarğa oğraylar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
