Rusiye akimiyeti Ukrayina vatandaşları olğan eñ azından 18 qırımlı jurnalistni tuta. Olarnı siyasiy sebepli cinaiy işler çerçivesinde azatlıqtan marum ettiler, dep bildire Qırım uquq qoruyıcı gruppası.
Teşkilâtta qayd ettiler ki, uquq qoruyıcılar qırımlı jurnalistlerge qarşı cinaiy davalarnı vesiqalaştıralar. Keçken aynıñ soñunda QKP bu faktlarnı BM mustaqil halqara komissiyasına yolladı.
Söz aşağıdaki jurnalistler aqqında kete:
- Alekseey Bessarabov
- Dmitriy Ştıblikov
- Vladislav Yesipenko
- Seyran Saliyev
- Marlen (Suleyman) Osanov
- Timur İbragimov
- Server Mustafayev
- Osman Arifmemetov
- Remzi Bekirov
- Ruslan Suleymanov
- Rustem Şeyhaliyev
- Amet Suleymanov
- Asan Ahtemov
- İrina Daniloviç
- Vilen Temeryanov
- Ernest Ametov
- Rustem Osmanovo
- Aziz Azizov.
Kütleviy haber institutınıñ malümatına köre, 2014 senesinden başlap Ukrayinada mediağa qarşı 634 cinayet qayd etildi, şu cümleden fizikiy tecavuz, öldürüv, jurnalistlerge qarşı atışlar. Eñ azından 112 çetel ve ukrain jurnalisti Rusiye esirliginde ya da reinelerinde buluna.
Rusiye apishanesinde, hususan, Qırım.Aqiqatnıñ frilanser Vladislav Yesipenko buluna. Apiske alınğanına qadar o, içtimaiy ve ekologik meselelerni aydınlattı, qırımlılarnen soravlar keçirdi.
2021 senesi martnıñ 10-nda onı Aqmescitte yaqaladılar. Rusiye akimiyeti jurnalistni "Ukrayina mahsus hızmetleri menfaatında" malümat toplağanında ve "öz başına yapılğan patlayıcı cihaz" saqlağanında qabaatladı.
Neticede Yesipenko 5 yıl umumiy rejimli koloniyada qalmasına ve 110 biñ ruble para cezasına mahküm etildi. Rusiye qabaatlavı Yesipenko içün 11 yıl apis cezasını istedi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
