Canköy - Keriç marşrutınen ketken eletrik poyezd, Bagerovo qasabası yanında demir yolunı keçip turğan adamnı urdı. Bu aqta Qırım FVN bildirmekte.
"Canköy - Keriç eletrik poyezd, 25 yaşındaki oğlannı, Bagerovo köyüniñ sakinini urdı, genç o zaman demir yolunı belgilenmegen yerde keçe edi. Poyezd maşinisti adamnıñ apansızdan peyda oluvına birden qarşılıq kösterip ve 300 tonnalı poyezdni toqtatıp yetiştirmedi. Oğlannı eki qırılğan ayaqnen merkeziy rayon hastahenesine alıp kettiler", - denile beyanatta.
Müessisege köre, oğlan Bagerovo qasabası ve Büyük Onlar köyü arasındaki 79-ıncı kilometrde uruldı. Adise yerine polis hadimleri bardı.
İyün 5-inde Novofödrovka-İslâm Terek stantsiyalarınıñ arasında elektrik poyezd aqaynı urdı, o birden keçindi.
