Qırımnıñ Rusiye akimiyeti balalarğa "ekstremistlerge qarşı lektsiyalar" adı altında Ukrayinanı nefret etmekni ögrete, dep yaza Milliy tirenüv merkezi.
"Rusiye Ukrayinanıñ vaqtınca işğal etilgen territoriyasındaki mekteplerde yañı propaganda dalğasını başlata. "Ekstremizmge qarşı küreş" adı altında balalarğa ukrayin er şey telükesi olğanını aytalar", dep aytıla haberde.
Haber etilgenine köre, bu lektsiyalarda ukrayin tili, bayrağı ya da Ukrayina Silâlı quvetlerine qoltutuv — cezalanacaq "ekstremizmdir" dep añlatalar. Mütenasip lektsiyalarnı Rusiye Federatsiyasınıñ Federal havfsızlıq hızmeti, polis, Rusiye din adamları ve Kreml kontrol etken "faaller" keçire.
Milliy tirenüv merkezi Qırım ve işğal etilgen diger regionlarnıñ mekteplerinde Ukrayina tarihı bozulıp kösterilgen ve Rusiye işğali qanuniyleştirilgen "vatanperverlik dersleri" ve sahte tarih kursları kirsetilgenini bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
