İlhaq etilgen Qırımda 1,7 biñden çoq adam koronavirus boyunca nezaretten çıqarıldı, daa 3,1 biñden ziyade insan tibbiy nezaret altında buluna. Bunı Qırım sağlıq naziri İgor Çemodanov bildirdi.
"Tibbiy baqıluv altında 3107 adam buluna. Soñki 24 saat içinde 171 adamnı nezaret altına aldılar, 203 adamnı çıqardılar", - dedi o.
Memurnıñ malümatına köre, stantsiomarda 43 adam yata. Observatorlarda ise 139 adam.
Qırımda aprelniñ 11-inde daa bir koronavirus adisesi qayd etildi. Bu Yaltada yaşağan qırımlıdır. Umumen Qırımda 29 COVID-19 adisesi.
Aqyarda altı adam hastalandı, dört adam yahşı oldı.
Qırımda özüni tecrit etüv rejimini aprelniñ 30-ınace uzattılar, Aqyarda - aprelniñ 19-ınace.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
